Te Pū o Te Wheke - Te Kura Kaupapa Māori o Kaikohe

Kaitātaki Tāne: Tuputupu Whenua Herewini Hona

Kaitātaki Wahine: Maioha Upperton

I te tau 2021 nō mātou te hōnore i whiwhia te tauihu waka o te whakataetae o Te Tai Tokerau ki Whangārei. I tērā tau koia pū te taima tuatahi i tū te kapa ki te Nahinara ki Akarana. He hōnore nui ki a mātou i haere tahi ai ki te taha o ngā kura hei kanohi mō Te Tai Tokerau. Me mihi tika ki te kura o Te Rangi Āniwaniwa, me te kura hoki o Te Rāwhitiroa.

Ko te kaupapa nui rawa ake mō tō mātou tū, kia kawe i te mana me ngā moemoeā o tō mātou rangatira a Papa Nau Epiha hei pae o te maharatanga.

E kore e wareware mātou i te kōtuku rerenga tahi o te rangi e tū nei mō āke, āke tonu atu.