Nau mai rā ki tēnei whakaaturanga mō ngā kōrero tuku iho e piri ana i Te Reo Irirangi o Te Hiku o Te Ika. Nō ngā tau toru tekau kua taha atu nei, i kohia ai ngā kōrero mō te whenua, mō ngā moana, me ngā mahi ā ngā tūpuna. 

Tēnei tātou kua tae ki te wā e whakanuitia ai ngā tini kaikōrero kua whāngai i ngā iarere reo irirangi. 

Nā rātou i tākoha mai ēnei taonga ki a tātou ngā uri, hei oranga wairua, hei oranga tinana, hei whāngai i ō tātou whakatupuranga. Ka whakatuwheratia ēnei piringa kōrero i tēnei wiki, Te Wiki o Te Reo Māori, kia rongohia ai o rātou reo me ngā kaupapa maha i kōrerotia mā runga i ngā iarere. 

Tēnā, whakaaro nui ki ēnei tāonga, kaua e tūkinotia, kaua e whakamahi hei mea whakapehapeha, kei hoki tēnā mahi ki te patu i a koe. Ki te hiahia koe ki ngā kōrero nei, whakapā mai ki te teihana. Kaua e tango noa. 

Katahi anō ka tīmata tēnei whakairinga kōrero. I a marama ka whakairihia ētahi atu o ngā kōrero e piri ana i te teihana o Te Hiku. Nō reira kia kakama koutou ki te hoki mai ki tēnei papa ipurangi. 

E ao te taonga ko ngā reo o ngā mātua, kia mau ai ā rātou ngā kupu, ngā rerenga, me tō rātou momo kōrero Māori. Tomo mai ki tēnei whare kōrero kia mākona ai koutou i te reo o te kāinga.

Tēnā koutou, tēnā koutou, tēnā koutou katoa.